កំសីតាមឃ្លានកំហានតាមចង់ Koun Laor=Good Child
ឆ្នាំថ្មីខ្មែរ Tears of Khmer compatriots
Ruk Kloach, Roch Jhao Cambodian Labour Lives
Kom Trab Kong Kongkaeb Cambodian Children
Bon Paccay Bourn(Four Requisites) Khmer Kyom 1
អាយ៉ៃគឺអ្វី? Khmer Kyom 2

ភ្លេងខ្មែរបុរាណ

Khmer Traditional Musics

សូមចុចដើម្បីទស្សនាវីឌីអូ

ដំណើរដើមទងនិងការប្រតិបត្តិតាមបែបព្រះពុទ្ធសាសនានៃពិធីបុណ្យកាន់បិណ្ឌ

ដោយ សំ បូរិន្ទ

2008-09-18

ចាប់ផ្តើមនៅថ្ងៃ១រោជ ខែភទ្របទ ដែលត្រូវនឹងថ្ងៃទី១៥ ខែកញ្ញាកន្លងទៅនេះ ប្រជាពុទ្ធបរិស័ទខ្មែរក្នុងប្រទេសកម្ពុជាប្រារព្ធពិធីបុណ្យកាន់បិណ្ឌជាប្រពៃណីដែលត្រូវបញ្ចប់នៅថ្ងៃ១៥រោជ ខែភទ្របទ ត្រូវនឹងថ្ងៃទី២៩ ខែកញ្ញាដដែលនេះ។

AFP Photo

ពុទ្ធបរិស័ទយកចង្ហាន់ទៅវត្តក្នុងអំឡុងពេលថ្ងៃកាន់បិណ្ឌទី១ នៅក្នុងទីក្រុងភ្នំពេញ កាលពីថ្ងៃ១៥ កញ្ញា ២០០៨។

លោក សំ បូរិន្ទ បានធ្វើបទសម្ភាសន៍ជាមួយពហុសូត្រព្រះពុទ្ធសាសនាមួយរូបដែលជាអតីតសមណនិស្សិតថ្នាក់ទស្សនវិជ្ជាពុទ្ធសាសនា នៃមហាវិទ្យាល័យ នេឡន្ទា ក្រុងរាជគ្រឹះ ប្រទេសឥណ្ឌា នាចន្លោះឆ្នាំ១៩៥៥ ដល់ឆ្នាំ១៩៥៩ ជុំវិញដំណើរដើមទង និងការប្រតិបត្តិតាមបែបព្រះពុទ្ធសាសនានៃពិធីប្រពៃណីនេះមានសេចក្តីដូចតទៅ៖

ស្ដាប់សំឡេង ភាគ១

លោក មាស ចន អតីតសាស្រ្តាចារ្យនៃពុទ្ធិកមហាវិទ្យាល័យ ព្រះសីហនុរាជ នាទសវត្សរ៍ឆ្នាំ១៩៦០ មានប្រសាសន៍ថា គេពុំអាចមើលឃើញទេវតាឬប្រេតនឹងភ្នែកឬចក្ខុវិញ្ញាណនោះឡើយ ប៉ុន្តែគេអាចមើលឃើញតាមផ្លូវចិត្តតែប៉ុណ្ណោះ។

សូមអញ្ជើញស្តាប់សេចក្តីពន្យល់របស់លោកតបនឹងសំណួរផ្សេងៗរបស់លោក សំ បូរិន្ទ ជុំវិញសំណួរថា តើប្រេតនោះពិតជាមានមែនឬទេ?

ស្ដាប់សំឡេង ភាគ២

លោក មាស ចន អតីតសាស្រ្តាចារ្យនៃពុទ្ធិកមហាវិទ្យាល័យ ព្រះសីហនុរាជ បានមានប្រសាសន៍ថា ក្នុងពេលសិក្សានៅមហាវិទ្យាល័យ នេឡន្ទា ក្រុងរាជគ្រឹះ ប្រទេសឥណ្ឌា កាលពីចុងទសវត្សរ៍ឆ្នាំ១៩៥០ លោកបានជួបពួកមនុស្សដែលជាពូជកិន្នរនៅជើងភ្នំហិមពាន្ត ប៉ុន្តែលោកមិនអាចបញ្ជាក់បានអំពីទីតាំងនៃឋានសួគ៌ ឈ្មោះចាតុម្ហារាជកា ដែលជាឋានសួគ៌ទាបជាងគេក្នុងចំណោមឋានសួគ៌៦ជាន់ដែលត្រូវបានគេនិយាយតៗគ្នានោះឡើយ។

សូមអញ្ជើញស្តាប់ចម្លើយរបស់លោកតបនឹងសំណួរផ្សេងៗរបស់លោក សំ បូរិន្ទ ជុំវិញបញ្ហាប្រេតទួញយំនារដូវបុណ្យភ្ជុំបិណ្ឌ និងជុំវិញបញ្ហាឋានសួគ៌៦ជាន់នៅលើភ្នំហិមពាន្ត ឬភ្នំព្រះសុមេរុ មានសេចក្តីដូចតទៅ៖

ស្ដាប់សំឡេង ភាគ៣

លោក មាស ចន ដែលជាអតីតសមណនិស្សិតថ្នាក់ទស្សនវិជ្ជាពុទ្ធសាសនានៃមហាវិទ្យាល័យនេឡន្ទា ក្រុងរាជគ្រឹះ ប្រទេសឥណ្ឌាផងនោះ មានប្រសាសន៍ថា រួមជាមួយនឹងការកសាងសំណង់នានាតាមជំនឿពុទ្ធសាសនា សំណង់គឺវប្បធម៌ជាតិ ក៏គួរគប្បីត្រូវយកចិត្តទុកដាក់ផងដែរ។

សូមអញ្ជើញស្តាប់សេចក្តីពន្យល់របស់លោកទៅនឹងសំណួរផ្សេងៗរបស់លោក សំ បូរិន្ទ ទាក់ទងនឹងរឿងឋានកណ្តាល ព្រមទាំងអនុសាសន៍របស់លោកក្នុងឱកាសបុណ្យកាន់បិណ្ឌប្រពៃណីជាតិ ទាក់ទងនឹងវិស័យកសាងពុទ្ធសាសនានិងសង្គមខ្មែរ ដូចមានសេចក្តីដូចតទៅនេះ៖

ស្ដាប់សំឡេង ភាគ៤

ពលរដ្ឋខ្មែរនៅទូទាំងប្រទេសប្រារព្ធពិធីបុណ្យភ្ជុំបិណ្ឌ

ដោយ សាន សុវិទ្យ

2008-09-29

ទីភ្នាក់ងារព័ត៌មានអាល្លឺម៉ង់ ឌី.ភី.អេ. រាយការណ៍ថា នៅថ្ងៃច័ន្ទនេះ ខ្មែរទូទាំងកម្ពុជានឹងនាំគ្នាទៅវត្តដើម្បីចូលរួមពិធីបុណ្យសំខាន់ខាងសាសនាមួយ គឺភ្ជុំបិណ្ឌ ឬបុណ្យរំឭកវិញ្ញាណក្ខន្ធ ព្រោះកម្ពុជាជាប្រទេសដែលពេញទៅដោយខ្មោច។

AFP Photo

កម្ពុជាជនជឿថា បើគេមិនធ្វើបុណ្យឧទ្ទិសដល់វិញ្ញាណក្ខន្ធមនុស្សស្លាប់ក្នុងពិធីបុណ្យរយៈពេល១៥ថ្ងៃ មកទល់នឹងថ្ងៃ២៩កញ្ញានេះទេនោះ ខ្មោចដែលស្រេកឃ្លានក៏នឹងងើបចេញមកធ្វើទុក្ខ។

ឌី.ភី.អេ. ថា កម្ពុជាដែលបានឆ្លងកាត់សង្គ្រាមស៊ីវិលបង្ហូរឈាមជាង ៣០ឆ្នាំ រួមទាំងមនុស្សប្រមាណជា ២លាននាក់ ដែលបានស្លាប់ក្រោមរបបខ្មែរក្រហមទៀតនោះ ប្រាកដជាមានខ្មោចបិសាចច្រើនមែន។

ខ្មោចទាំងនេះ បានត្រូវដាស់ឲ្យក្រោកឡើងម្តងទៀត ពេលដែលការកាត់ក្តីដែលកំពុងតែរៀបចំធ្វើដោយអង្គការសហប្រជាជាតិនិងរដ្ឋាភិបាលកម្ពុជា បានខិតចូលមកកាន់តែជិតដល់ក្នុងមិនប៉ុន្មានខែខាងមុខនេះ។

ឌី.ភី.អេ. សរសេរថា រូបថតរបស់អតីតមេដឹកនាំខ្មែរក្រហម ៥នាក់ ដែលបច្ចុប្បន្នកំពុងត្រូវឃុំខ្លួនរង់ចាំតុលាការកាត់ក្តី បានត្រូវបោះពុម្ពលើទំព័រទីមួយរបស់កាសែតនានាស្ទើររៀងរាល់ថ្ងៃ។

ថ្វីបើជនជាតិកម្ពុជាភាគច្រើន កើតក្រោយសម័យខ្មែរក្រហមប៉ុលពត ហើយសៀវភៅរៀនប្រវត្តិសាស្ត្រក៏ពុំមានចែងអំពីការបង្ហូរឈាមក្នុងអំឡុងចន្លោះឆ្នាំ១៩៧៥-១៩៧៩ ក្នុងស្មារតីផ្សះផ្សាជាតិ ដែលចេញបញ្ជាដោយរដ្ឋាភិបាលក្តី ខ្មែរគ្រប់រូបសុទ្ធតែនាំគ្នារំឭកវិញ្ញាណក្ខន្ធសមាជិកគ្រួសារមិនតិច ក៏ច្រើននាក់ដែរ៕

ដាវលូតអក្សខ្មែរ

អក្សសាស្រ្តខ្មែរ

បទនមស្សការ

ធម្មទេសនាកូនមាកឪពុក

បទស្មូត

ចំរៀងសម័យថ្មី

see all videos

counter

December 2009
M	T	W	T	F	S	S
« Oct
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31

Most Popular Posts