សាលាក្តីខ្មែរក្រហមសម្រេចបន្តឃុំខ្លួន នួន ជា ១ឆ្នាំទៀត
ដោយ សារី រ័ត្ន
2008-09-20
មេធាវីរបស់ នួន ជា អតីតបងធំទី២នៃរបបខ្មែរក្រហមបានឲ្យដឹងកាលពីថ្ងៃសុក្រម្សិលមិញថា កូនក្តីរបស់លោកត្រូវសាលាក្តីខ្មែរក្រហមសម្រេចឃុំខ្លួនបន្តមួយឆ្នាំទៀត។
អតីតមេខ្មែរក្រហម នួន ជា បង្ហាញខ្លួនក្នុងសវនាការ នាថ្ងៃទី ៤ កុម្ភៈ ២០០៨។
លោក សុន អារុណ ជាមេធាវីរបស់ នួន ជា ថ្លែងគូសបញ្ជាក់ថា ការសម្រេចឃុំខ្លួនបន្តនេះគឺដោយក្រុមចៅក្រមយកសំអាងលើវិធានផ្ទៃក្នុង និងអះអាងថា ការស៊ើបអង្កេតនៅមិនទាន់ចប់នៅឡើយ។
លោកមេធាវី សុន អារុណ បន្តថា សាលាក្តីមានសិទ្ធិឃុំកូនក្តីរបស់លោករយៈពេល៣ឆ្នាំ ក៏ប៉ុន្តែលោកថ្លែងថាលោកនឹងដាក់ប្តឹងឧទ្ធរណ៍ចំពោះការសម្រេចឃុំនេះ ដោយលោកសំអាងថាអំពើនេះគឺជាការរំលោភលើសិទ្ធិកូនក្តីរបស់លោក។
លោក សុន អារុណ បានឲ្យដឹងថា ៖ «តាមបទបញ្ជាផ្ទៃក្នុងរបស់ ECCC អាហ្នឹងអត់ខុសទេ គេមានសិទ្ធិផ្ដល់ក្នុងមួយឆ្នាំម្ដង បើគេយល់ឃើញថាការអង្កេតមិនទាន់សព្វគ្រប់។ ហើយមួយឆ្នាំម្ដងបានពីរដងបន្ត មានន័យថាដាក់ឆ្នាំទី១ ហើយនិងបន្ទាប់ពីហ្នឹងបានបីឆ្នាំម្ដង ប៉ុន្តែម្ដងមួយឆ្នាំៗ។ ប៉ុន្តែយើងប្ដឹងយើងឲ្យមានហេតុមានផលប្រាប់គេថាកូនក្ដីយើងវាប៉ះពាល់ដល់សិទ្ធិដល់អីរបស់កូនក្ដីយើង»។
សូមជម្រាបជូនថា នួន ជា ដែលជាអតីតប្រធានរដ្ឋសភារបបខ្មែរក្រហមផងនោះត្រូវបានចាប់ខ្លួនពីអតីតតំបន់ខ្មែរក្រហមប៉ៃលិន កាលពីថ្ងៃទី១៩ ខែកញ្ញា ឆ្នាំ២០០៧កន្លងទៅ។
គិតមកទល់ថ្ងៃទី១៩ កញ្ញាម្សិលមិញ លោក នួន ជា ត្រូវបានចាប់ឃុំខ្លួនរយៈពេលមួយឆ្នាំគត់ ជាប់ចោទពីបទល្មើសចំនួន២ គឺឧក្រិដ្ឋកម្មប្រឆាំងមនុស្សជាតិនិងឧក្រិដ្ឋកម្មសង្គ្រាម៕
| M | T | W | T | F | S | S |
|---|---|---|---|---|---|---|
| « Oct | ||||||
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
- Most Popular Posts
- ប្រវត្តិស...: 21
- វប្បធម៌នឹ...: 9
- ប្រាសាទ02: 8
- វិប្បធម៌02: 7
- សង្គមខែ្មរ: 6
- បន្ទប់ភិភ...: 5
- បញ្ហាព្រំ...: 3
- ច្បាប់ស្រី: 2
- វិប្បធម៌ខ...: 1